Osalan-ek gaur esan duenez, larunbatean Gasteizen lan istripua izan zuen S.D. langilea hil egin da gaur. Larunbatean zazpi metroko altueratik erori zen, Sucesores de Agirre S.A. enpresaren gainaldean garbiketa lanak egiten ari zela. Gainaldeko plaka bat puskatuta erori zen.

Santiago ospitalera eman zuten orduan eta gaur hil da. Osalanek oraindik ez du esan nongoa zen; atzerritarra zela esan du, besterik ez. Zein lantokitan lan egiten zuen ere ez daki Osalanek eta ikertzen ari da.