Etorkinen aldeko bilgunea bultzatzeko eskatu diete eragileei

Migrazio eta Aniztasun Bilgune Nazionalaren sorrera bultatzeko eskatu zuten tailerrean parte hartu zutenek. Mario Zapatak eta Castillo Suarezek egitasmoaren ezaugarriak azaldu zituzten tailerrean. Izan ere, naziogintzan dabiltzan eragileentzat etorkinen auzia ondo landu gabeko gaia dela aitortu zuten. Zapatak immigrazioak Euskal Herrian duen eragina datutan aztertu zuen, eta Suarezek berriz, etorkinei lekukotzen laguntzeko sortu beharreko tresnak aipatu zituen. Tailerrean bilgunearen beharraz jardun zuten, bai eta berau sortzeko eman beharreko urratsak aztertu ere.