Iruñea mila kolorez janzteko deia

Urriaren 12a espainiartasunaren eguna dela-eta talde eskuindarrek Iruñean egingo duten manifestazioaren aurrean, Nafarroako hiriburua «mila kolorez» jazteko deia egin dute Iruñerriko hainbat gizarte eragilek. Gizarte ordezkariek ohartarazi dutenez, arrazakeriaren, homofobiaren eta errepresioaren aurkako eta emakumearen, justizia sozialaren, gazteriaren zein kulturaren aldeko lanean jarduten duten elkartez osatuta dago Iruñerria; «faxismoak eta ultraeskuinek lekurik ez duten mila kolorez». Hartara, «faxismoa berpiztu ez dadin», ostegunean kaleak kolore orijinalez, kulturaz eta erantzunez betetzeko deia egin dute.