Etorkinak itzultzeko bidaiak bertan behera utzi ditu Senegalek

DAKAR «Arrazoi teknikoak» argudiatuta, Espainiara heldutako etorkinak berriz Senegalera bidaltzeko hegaldiak bertan behera utzi zituen atzo Dakarko gobernuak. Kanariar Uharteetatik lehen hegaldiak abiatu behar ziren asteazken gauean. «Senegalen lurreratuko dira, baina oraindik ezin dut esan noiz», adierazi zuen atzo Ousmane Ngom Barne ministroak. Hegaldiak iparraldeko Saint Louis hirira eramaten saiatzen ari da Gobernua, «diskrezioagatik».