Migranteak Italiatik kanporatzeko lehen itsasontzia iritsi zen atzo Albaniara, elkarte humanitarioen eta oposizioko alderdien kritiken artean, jardunbide horrek «giza eskubideen urraketa gehiago» ekarriko dituela iritzita. 16 dira kanporatutako pertsonak itsasoan jaso zituztenak, Libiatik irten ostean. Erroma eta Tiranak hala adostuta, italiar autoritateek Albaniako lurraldetik kudeatuko dituzte asilo eskaerak eta kanporatzeak. Bertako zenbait komunikabideren arabera, urtero 36.000 migrante Albaniaratu litzakete.