Kanariaetara 429 etorkin iritsi dira

Santa Cruz de Tenerife. Gutxienez 429 etorkin iritsi ziren atzo Kanariar uharteetara. Immigranteak sei ontzitan iritsi ziren, eta bart gauean beste bat iristea espero zuten. Tenerifetik 80 miliara ikusi zuten ontzia. Gomera uhartera iritsi zen etorkin gehien; hain zuzen ere, 192 lagun bi ontzitan. Tenerifera, berriz, beste bi ontzi iritsi ziren, 174 etorkinekin, eta Gran Canaria uhartera ontzi bakarrean 61 lagun. Azkenik, Lanzarotera iritsi zen ontzi batetik gertu bi pertsona aurkitu zituzten; hala ere, ontzi horretan berez hamabi lagun iritsiko zirela uste zuten hango agintariek.