Azken bi egunetan 2.000 migratzailetik gora iritsi dira Italiako Lampedusa irlara

Berria, Berria, 13-09-2023

ERROMA. Italiako Gobernuak atzo jakinarazi zuenez, azken bi egunotan 2.000 migratzaile baino gehiago iritsi dira Lampedusa irlara. Denera, 116.000 etorkin baino gehiago iritsi dira hara urtea hasi zenetik. Irlako harrera zentroak, ordea, 400 pertsonarentzako tokia baino ez du, eta ohartarazi dute «gainezka» dagoela.