Zehar elkarteak txosten bat egin du, eta bertan migratzaileen kontrako zenbait jarrera diskriminatzaile salatu ditu. Atzo aurkeztu zuen lana, eta, bertan azaltzen denez, Araban, Bizkaian eta Gipuzkoan gertatutakoak dira ekintza guztiak, indar polizialek edo Osakidetzako profesionalek egindakoak.

Poliziaren kasuan, hauek nabarmendu dituzte: etxerik ez dutenak etxegabetzea, kolektibo jakin batzuetako kideak atxilotzea, migratzaileei etxe bat edo logela bat alokatzeko aukera ukatzea edo oinarrizko bizi baldintzak betetzen ez dituzten etxebizitzak eskaintzea. Osakidetzari dagokionez, arreta jasotzean migratzaile anitz diskriminatuak izan direla diote. Arantza Chacon elkarteko buruak erran zuen «onartezina» dela eskubideen urraketa hori.