Hendaiako atxikitze zentroan COVID-19 kasuen gorakada izan dela salatu du migratzaileei laguntza ekartzen dien Cimade elkarteak. Aste bakarrean, preso atxikiak diren migranteek erdia kutsatu da, eta zentroa «izoztea» erabaki dute; hau da, ez dute migratzaile gehiago atxikiko bertan egoera konpondu arte.

Koronabirusak eragindako osasun krisia abiatu zenetik Cimade elkarteak behin baino gehiagotan salatu du atxikitze zentroetako egoera. Irailean, Hendaiakotik lekutzea erabaki zuten, sute baten ondotik, gutxieneko segurtasun baldintzak betetzen ez zirela kontsideratuta.