Migrazio mugimenduei eta hiriek migratzaileen eta errefuxiatuen harrerari eta gizarteratzeari emandako erantzunei buruzko dokumentu eta narrazio genero digital berrietan oinarritutako lanak eskaintzea izango da datorren martxoaren 17an, asteazkenean, Romo Kultur Etxean abian jarriko den Loturak Festival-en helburua. Moviltik elkarteak antolatuta, entitate batzuen laguntzarekin, tartean Getxoko Udalarenarekin, proiektuak 2019an martxan jarritako ekimenari eta iaz online garatutakoari eta Loturak Emakumeok izenekoari jarraipena emango die. «Sentsibilizazio-proiektu honen bidez, Udalak espazio desberdinetan izango diren adierazpen narratibo berrietan sakondu nahi du, migrazio-mugimenduen, joan-etorrien eta harreraren inguruan, besteak beste. Gainera, martxoaren 21a baino lehen, Arraza Diskriminazioaren aurkako Nazioarteko Egunaren aurretik, proiektuak hausnarketarako aukera ona eskainiko du, gizarte-kohesioa bilatzen duen gizartean sakontzen jarraitu behar ditugun gaiei buruz, alegia. Loturak Festivalen bidez, ezagutza eta eraldaketa soziala bultzatu nahi ditugu, aniztasuna eta kulturartekotasuna oinarri dituen udalerria eraikitzen jarraitzeko», azaldu du Carmen Diazek, Gizarte Kohesioko zinegotziak.

Solasaldiak, mahainguruak, errealitate birtuala…
Apirilaren erdira arte, besteak beste, proiektuak errealitate birtualeko tailerrak, solasaldiak, mahainguruak eta gimkana bat eskainiko ditu, dohainik, era presentzialean hainbat tokitan (izenematearekin edukiera bete arte) eta online, mota desberdineko publikoarentzat.

«Teknologiek eta euskarri berriek herritarrak kontzientziatzeko eta sentsibilizatzeko dituzten aukerak erakusten saiatuko gara, bai eta erakundeei begira ere, beren eguneroko lanerako beste tresna batzuk ezagutu ditzaten, hala nola, errealitate birtuala, murgiltze sakonagoa eta obrarekin elkarreraginekoa bultzatzen duena, migrazio-prozesuekiko edo migratzaileen edo errefuxiatuen bizipenekiko enpatia bultzatzen duena, eta bideo-jokoak ere, mezuak modu errazagoan emateko aukera ematen dutelako», azaldu du Jose Luis Roncero, Loturak Festivaleko zuzendariak.

Martxoaren 17tik 21era, Romo Kultur Etxean, mahai-inguru batzuk izango dira, besteak beste, Migrazioen Kazetaritzari, beste errealitate batzuen bistaratzeari eta eskubide sozialei buruz, eta ikus-entzunezko lanen aurkezpenak ere. Gainera, martxoaren 28ra arte Pablo Toscoren argazki erakusketa izango da ikusgai.

Bestalde, Areetako Andres Isasi Musika Eskolan, exodo klimatikoaren, bizitza adingabeen eta gerraren inguruko lanak ikusi ahal izango dira. Muxikebarriko hainbat areto bideo joko eta 360º-ko betaurrekoekin saioak egiteko gune bihurtuko dira. Halaber, pelikulak eta dokumentalak proiektako dira, eta apirilaren erdialdera arte kulturarteko Gymkana autogidatua egingo da udalerrian. Azkenik, ostegunean, martxoaren 18an, 10:00etan, Carne Cruda irratsaioak Jaialdiari buruz izango da.

Jardueren egitarauari buruzko informazioa udal webgunearen bitartez (https://www.getxo.eus/es/inmigracion ) edo www.loturakfestival.com loturan eskuragarri dago. Izenemateak azken horretan egin beharko dira.