BILBO. Ongi Etorri Errefuxiatuak plataformak ekinaldi bat hasi du erakundeei eskatzeko babes ditzatela izurriaren «ondorio ekonomiko eta sozialak ordaintzen ari diren gizarte geruza ahulenak». Berrogei elkartek sinatu dute proposamena. Besteak beste, «polizia indarkeria oro bertan behera uztea eta ustezko gehiegikeriak eta indarkeriak ikertzea» eskatu dute, pertsona guztientzako «erroldatzea bermatzea», eta oinarrizko errenta unibertsala ezartzea.