BAIONA. Atzo, Etorkinekin elkarteak Baionan salatu zuen azkeneko urteetan Europako gobernuek migratzaileen eskubideak «larriki urratzeko» neurriak hartu dituztela, eta «beste migrazio politika bat» aldarrikatu zuen. Hilaren 18an Migratzaileen Nazioarteko Eguna izanen dela-eta, mobilizatzeko deia egin du elkarteak. Baionako geltokian finkatu du berak hitzordu bat ordurako, 18:30ean, ekintza sinboliko bat egiteko, Migranteen eskubide urraketak, aski da lelopean.