Bederatzi egun daramatzate Open Arms ontziak jasotako 122 migratzaileek itsasoan, herrialde batek jasoko dituen zain. Ongi Etorri Errefuxiatuak elkarteak elkarretaratzea egin zuen atzo Bilboko Plaza Eliptikoan, 12:00etan, Italiako eta Maltako gobernuen «ezezko kriminala» salatzeko, eta estatuei eskatzeko migratzaile horiei harrera egiteko. Europako Batzordearen eta gobernu kideen «konplizitatea» salatu zuten, azalduz Europako herrialdeek «errefuxiatuen nazioarteko konbentzioak» urratzen dituztela.