Tenerife. Paperik gabeko etorkinez beteriko bi ontzi heldu ziren atzo Kanariar Uharteetara. Uhin handiak zirela eta, atoian eraman behar izan zuten ontzietako bat El Hierro uhartera, ura sartzen ari zitzaiolako. 77 etorkin zihoazen ontzian irudian, denak gizonezkoak. Kanarietara heltzen diren etorkinen inguruan Espainiako Gobernuari laguntza emango diotela esan zuen atzo Europako Batasuneko eledun friso Roscam Abbingek. Italia eta Zipreko kasuetan bezala, Brusela neurriak hartzeko prest dagoela esan zuen, Madrilgo ordezkari bat Europako Batzordearekin bildu aurretik.