MADRIL. Ehundik gora errefuxiatu Espainia hegoaldeko kostaldera heldu ziren atzo, baina beste hiru hil egin dira, eta hemezortzi desagertuta daude, haien ontzia Alborango itsasoan hondoratu eta gero. Itsas salbamenduak adierazi duenez, ontzi horretatik onik ateratako 35 etorkinek esan diete Nadorretik (Maroko) atera zirela, eta bi egun zeramatzatela itsasoan.