Frantziako Legebiltzarreko Batzordeak amaitu du immigrazioaren lege berria atontzen, eta maiatzaren 2tik aurrera osoko bileran eztabaidatzen hasiko dira etorkinei Frantzian sartzeko aukerak gogor murrizten dizkien egitasmoa. Hautuzko immigrazio legea izena eman diote egitasmoaren aurka daudenek. Izan ere, etorkinak beren ezagutzen eta lanerako gaitasunen arabera aukeratuko dituzte. PSF eta PCF alderdiak egitasmoaren aurka dira, baita gobernuz kanpoko 460 elkarte eta erakunde ere. Nicolas Sarkozy ministroaren plangintza da, baina UMPn ere diputatu batzuk ez daude ados.