BILBO. Espainiako Barne Ministerioak jakinarazi du Portsmoutherako (Erresuma Batura) ferrira igo nahi zuten zazpi albaniar atxilotu zituela herenegun, Bilboko Portuan. Era berean, esan du Loiuko aireportuan (Bizkaia) Ingalaterrarako hegaldia dokumentazio faltsuarekin hartzen ahalegindu diren 35 lagun atxilotu dituztela urtea hasi denetik. Espainiako Poliziak zaintza lanak indartu ditu bi azpiegituretan.