DONOSTIA. Itsas Laguntza Humanitarioa gobernuz kanpoko erakundeak 575 errefuxiatu erreskatatu zituen iaz, Libiako kostaldetik gertu. Aurtengo abuztuan, Mediterraneora itzuliko dira, itsasontzi berri batean: Getariako Aita Mari. Atzo aurkeztu zuten 32 metroko ontzia. Ehun boluntario inguru ariko dira erreskate lanetan. Eusko Jaurlaritzak 400.000 euroko laguntza eman die, itsasontzia egokitzeko.