BAIONA. Sute batek kalte handiak eragin zituen atzo asiloa eskatzen dutenentzako Baionako zentroan. 70 lagun zeuden ostatu hartuta bertan orduan, baina ez zen inor zauritu. Dena den, beste egoitza batzuetara eraman beharko dituzte. Arratsaldeko lehen orduan atzeman zuten sutea, bigarren solairuan. Polizia ikertzen ari da zerk sortu zuen sua; pertsona bat atxilotu dute, sua hasi zuena izan daitekeelakoan.