CEUTA. Hervek 26 urte ditu, kamerundarra da, eta duela lau urte iritsi zen Espainiara Marokotik. Ceutako Tarajalgo mugatik sartu zen, 2015eko otsailaren 6an, itsasotik, beste hamabost errefuxiatu itotzen ziren bitartean. Gazteak lehenengo aldiz hitz egin du, eta baieztatu guardia zibilek tiro egin zietela: «Ondo-ondotik tirokatu zituzten uretan zeudenak. Inoiz ez ditut ahaztuko itotako gorpuak hondartzan».