BILBO. Asteartean etorkin adingabeentzako Zornotzako (Bizkaia) zentroan nahita eragindako suteak agerian utzi zuen, berriz ere, egoitza hori gainezka dagoela. Gaiaz galdetuta, Estefania Beltran de Heredia Eusko Jaurlaritzako Segurtasun sailburuak atzo jakinarazi zuen ohi baino etorkin adingabe gehiago heltzen ari direla, eta Ertzaintza ikertzen ari dela ea talde antolaturen bat dagoen horren atzean.