DONOSTIA. 10 eta 14 urte bitarteko 35 etorkin adingaberi aisialdirako bidea erraztea helburu duen egitasmoa abiatu du SOS Arrazakeria elkarteak. Gipuzkoan bizi diren gaztetxoek inguru sozial ezberdinetako kirol eta kultur ekintzetan parte hartuko dute, «garapen pertsonala eta integrazioa bultzatzeko». SOS Arrazakeriaren arabera, goi mailako ikasketak dituzten gazteak izango dituzte laguntzaile; ostiralean ezagutu zuten elkar, egitasmoa abiatzeko egindako jaialdian.