DUBLIN. Irlandako Auzitegi Gorenak konstituzioaren aurkakotzat jo du asilo eskatzaileei debekatzea lan egiteko aukera; Lituaniarekin batera, EB Europako Batasuneko herrialde bakarra da eskaera prozesuan debeku hori jarria duena. Hala, auzitegiak sei hilabeteko epea eman dio parlamentuari legea moldatzeko. Brian Killoran Irlandako Immigrazio Batzordearen zuzendariaren arabera, debekuak eragin zuzena du asilo eskatzaileen eta beren familien integrazioan.