Serbiarekiko mugan bigarren hesia eraikitzeko obrak bukatu ditu Hungariak

BUDAPEST. Viktor Orban Hungariako lehen ministroak atzo iragarri zuen amaitu dituztela bigarren hesia eraikitzeko obrak, Serbiarekiko mugan —lehena 2015ean eraiki zuten—. «155 kilometroko luzera du, hiru metroko altuera, eta jendetza gelditzeko gaitasuna du», lehen ministroaren arabera; 119,3 milio euroko kostua izan du. Iragarpena egiteaz gain, lehen ministroak migrazio politika «gogorrago» bat garatzeko deia egin dio Europako Batasunari.