BUDAPEST. Giza Eskubideen Europako Auzitegiak Hungaria kondenatu du, bi iheslari atxilotzeagatik eta kanporatzeagatik, tratu txarrak sufritzeko arriskua bazuten ere. Bangladesheko bi herritarrak Balkanetako ibilbidetik barna iritsi ziren Hungariara, Serbiatik. Herrialdean asiloa eskatu zuten, baina 23 egunez atxilotu ostean Serbiara kanporatu zituzten. 27.000 euroko kalte-ordaina ordaindu beharko diete.