DONOSTIA. Hilaren 5ean ama biologikoak eramandako 11 hilabeteko umea onik aurkitu dute Errumanian, amona biologikoaren etxean. Gipuzkoako Diputazioaren tutoretzapean zegoen haurra, eta aurrez adostutako bisita bat baliatu zuen andreak foru teknikariei umea kentzeko. Errumaniarantz ihes egin zuen, eta han aurkitu dute umea; ama biologikoaren arrastorik ez dute. Aldundiak jakinarazi du Errumaniako gizarte zerbitzuekin harremanetan dela, zer egin adosteko.