Afrikatik iritsitako hainbat ontzi atzeman zituen atzo Espainiako Poliziak Kanariar Uharteetan, horietan 331 etorkin zihoazela. Uharteetan inoiz atxilotutako etorkin kopururik handiena da. Tenerifen 224 etorkin atxilotu zituzten, bost ontzitan, eta Gran Canarian 107, lau ontzitan. Sorospen taldeak eta agintariak kezkatuta daude, etorkinak hartzeko zentroak gainezka daudelako.