BILBO. Espainiako Poliziak operazio bat egin du andreen salerosketan ziharduen sare baten kontra Euskal Herriko, Herrialde Katalanetako eta Espainiako hainbat hiritan; guztira hogei lagun atxilotu ditu, eta hamabi miaketa egin ditu. Besteak beste, Bilbon egin dituzte zenbait atxiloketa. Polizia iturrien arabera, Nigeriatik emakumeak ekartzen zituzten, engainuak erabiliz; prostituziora derrigortzen zituzten gero.