Bizilagunak Mendira Urkiolarako V. Kultur arteko Martxa ospatuko da uztailaren 20an eta izena emateko epea zabalik dago interesatuentzat. Egizu, Ibilki eta SOS Arrazakeria elkarteek, Kontularien Klubak eta Etorkinen Plataforma Federazioak Getxoko Udalaren laguntzarekin antolatuta, jardueraren helburua da udalerrian kultur artekotasuna, aniztasuna eta elkarrekintzarako eremuak bilatzen dituzten getxotarren arteko guneak sortzea.

Modu honetan, bertokoak eta atzerritarrak elkartuko dira euskal kulturatik, bere mitoetatik eta kondairetatik eta beste kultura batzuetakoetatik ere bidaia egingo duen txango baten bitartez, Getxoko Udalak jakinarazi duenez.

Antolakuntzaren autobusean (55 toki) joateko izena emateko 658 360 292 telefono zenbakira deitu edo ibilkibidaiak@gmail.com helbidera idatzi daiteke. Ibilgailu propioan joan nahi dutenek ere aipatutako telefono zenbakian edo posta elektronikoan eman beharko dute izena, parte hartzaileen kopurua eta behar diren baliabideak aurreikusi ahal izateko.