Errefuxiatuei elkartasuna adieraztea eta botak eta bestelako oinetako sendoak biltzeko ekimena antolatu da, haien artean bana- tzeko.Donostia Kulturako langile batzuen ekimena da #KatiuskaErronka, eta dagoeneko beste pertsona eta erakunde askoren laguntza jaso du. Antolatzaileek dei egiten diete herritarrei tamaina guztietako bota, katiuska eta oinetako sendoak emateko errefuxiatuentzat. Komeni da, bestalde, bota edo oinetako pare bakoitzarekin batera, galtzerdiak ere sartzea. Botak elkarri lotuta eraman behar dira, ez galtzeko.

Ekimen txiki honen bidez, antolatzaileek uste dute, errefuxiatuekiko elkartasuna adierazteaz gain, beharrezko duten laguntza bat emango dietela, oinak lehor eta bero mantentzeko eta gaixotasunak saihesteko.

Bota eta galtzerdiak Orioko kultur etxean jasoko dira, bihartik ostirala bitartean, apirilaren 15era bitartean. Kultur etxea irekita dagoen orduetan utzi daitezke oinetakoak, goizez nahiz arratsaldez (9:00-13:00 eta 16:00-20:00), Imanol Urkizu atezainaren galdera eginez.

Kanpainaren ekitaldi nagusia apirilaren 17an egingo da Donostiako Zuloaga plazan, igandearekin, eguerdiko 12:00etan. Han errefuxiatuekiko elkartasuna agertzeko argazki jendetsua egingo da, kanpalekuetara bidaliko diren oinetako guztiekin batera.