SKOPJE. Mazedoniako Gobernuak Greziako muga ixteko erabakia hartu zuen atzo, nahiz eta praktikan errefuxiatuek bi egun zeramatzaten muga zeharkatu ezinik. Orotara,36.000 errefuxiatu geratu dira harrapatuta Grezian. Eslovenia, Kroazia eta Serbia ere atzo hasi ziren beren mugetan debekuak ezartzen, nahiz eta azken egunetan Mazedoniatik errefuxiaturik iritsi ez. Balkanetako bidea itxita geratuko da.