Migrazioen inguruko ikuspegiei neurri zuzena emateko oso lagungarriak dira zenbakiak. Esate baterako, Eustatek zabaldu berri duen Emigrazio – Mugimenduen Estatistika, inmigranteak eta emigranteak alderatuz migrazio – saldoa finkatzen duena. Batik bat erroldatik hartutako informazioa aztertu eta berriro zenbatetsi ondoren, ikusi dute 2000 – 2014 urteen artean 534.908 etorkin heldu zirela Euskadira. Aldi berean, berriz, 427.608 pertsona joan ziren Euskaditik atzerrira.

Horrenbestez, atzerriko immigrazioak migrazio – mugimenduen %43,3 suposatu du hamalau urte horietan, eta atzerrirako emigrazioak %32. Horrek esan nahi du migrazio – saldoa 107.300 lagunetan dela positiboa; hots, biztanle kopuru hori (7.600 pertsona urteko, batez beste) zor zaiola inmigrazioari.

Migrazio – mugimenduen portaera, edonola ere, dezente aldatu da urteen arabera. Hala, goia 2007an jo zuen inmigrazioak, 46.729 pertsona etorri baitziren Euskadira atzerriko herrialdeetatik, zikloaren hasierako kopurua bikoiztuz, etorkinen kopurua 22.286 pertsonakoa izan baitzen 2000. Urtean. Zikloaren amaierako urtean, krisi ekonomikoaren gogorrena pasata, 35.491 pertsona etorri ziren Euskadira. Atzerriko etorkinak denen %43,3 izan dira; muturrak 2000 urtean (%33,6) eta 2006an (%56,8) finka daitezke. Azken hiru urteetan %35 inguru horretan egonkortu da datua.

Emigrazioari dagokionez, goranzko joera iraunkorragoa izan da. Aldiaren hasieran 18.846 izan ziren eta 2013an 35.943; 2014an, berriz, behera egin zuen, 31.889 pertsonarekin. Atal horretan ere oso handiak izan dira aldeak urteen arabera. Aldi osoa kontuan hartuta, atzeratutakoen proportzioa migrazio mugimendu guztien %32 izan da. Hala ere, 2000 urtean %3,5 izan zen bakarrik, eta 2012 – 2013 urteetan ia %50era iritsi zen.

Lurraldeei dagokienez ere aldakorrak dira datuak. Aztertutako aldian, EAEko biztanleen %14 baino ez dituen Arabak bereganatu du saldo positiboaren %40 (datu horrek kanpotik etorritako biztanle berriak islatzen ditu). Bizkaian kontrakoa gertatu da: EAEko biztanleen %53 ditu, baina kanpo migrazio saldoan %42ko pisua du. Hiru lurralde historikoetan orekatuena Gipuzkoa da. Erkidegoko biztanleek proportzioa %32,5ekoa du, eta migrazio – saldoan duen pisua, berriz, %33,7koa.