Prostituitzera behartutako 16 urteko neska bat askatu du Bilbon Espainiako Poliziak. Ustez, adingabea orain urtebete iritsi zen Euskal Herirra, Nigeriatik, eta herrialde hartako senar-emazte batzuek behartuta ari zen prostituzioan. Berri agentzien arabera, neskak «ordu asko ematen zituen kalean, iluntzean hasi eta hurrengo eguneko goizera arte». Irabazitako dirua prostituzioan aritzera behartzen zuten senar-emazteei ematera behartua zegoen. Bikotea atxilotu egin du Espainiako Poliziak, eta azaldu du etxean egiidako miaketan sakelakoak eta lau pasaporte faltsu atzeman dituela.