Jon Gerediaga idatzitako eta Ander Lipus zuzendutako ‘Etxekoak’ antzezlana izango da ostiral honetan, hilak 13, 22:00etan Aita Mari antzokian, Huts Teatroa eta Artedramaren eskutik.

‘Etxekoak’ inmigrazioaren gaia jorratzen du, «Maddik Mamadou maite du eta berarekin egoteko aukera bakarra ezkontzea da. Horrekin batera mila oztopo gainditu beharko dituzte: burokrazia, paper administratiboak, elkarrizketak kontsultatuan, etabar», dio sinopsiak. Lan honen bitartez, egungo gizarteak eta estatuek sortzen dituzten muga eta legeen kritika egingo da. Sarrerak Zumaiako Turismo Bulegoan salgai 9 euroren truke. Aita Mariren bazkideek, 6 euro ordaindu beharko dituzte.