GASTEIZ. EAEko fiskal nagusi Juan Kalparsorok erabaki du adierazpen askatasunak babesten dituela Gasteizko alkate Javier Marotok marokoarrei eta aljeriarrei buruz esanak. Herritar horiek kalumniatu zituen ikertzeko, salaketa jarri zuen SOS Arrazakeriak, baina artxibatu egin du fiskaltzak. Salatzaileek barkamena eskatzea nahi du orain Marotok, eta dio zilegitasun handiagoa duela orain bere proposamenak.