GASTEIZ. «Isiltzeko» eskatu dio SOS Arrazakeria elkarteak Javier Maroto Gasteizko alkateari. Gaineratu du alkatearen hitzek eskuin muturreko ideiak dituztela. Marotok berretsi egin du etorkinekin duen jarrera; adierazi du etorkinak gizarte laguntzetatik bizi direla eta ez dutela interesik lan egiteko eta gizarteratzeko. Oposizioak azaldu du alkatearen adierazpenak «arriskutsuak» eta «xenofoboak» direla.