RABAT. Trumilka Marokotik Ceutara sartzen ahalegindu ziren atzo 400 bat immigrante, eta gutxienez zortzi hil ziren, itsasoan itota eta zanpatuta. Hesia gainditzeko saioak ohikoak dira, baina atzo immigrante askok igerian gainditu nahi izan zuten Espainiaren menpeko hiri autonomoa babesten duen dikea. Lampedusatik gertu, berriz, Italiako Itsas Armadak 1.123 immigrante erreskatatu zituen herenegun, hainbat ontzitan.