Gaur, asteartea, abenduak 10, giza eskubideen nazioarteko eguna da. Leku batzuetan egun hori ospatuko da, beste batzuetan eskubide horiek defendatzen jarraitu beharko da. Zarautzen, SOS arrazakeriak egindako ‘Balta Txuria, Balta Berdea. El rumor del urumea’ dokumentala ikusteko aukera izango da 19:00etan Modelo aretoan. Dokumentalak ekialdeko Europatik etorritako ijitu jatorriko giza talde baten egoera kontatzen du. Astigarragan daude kokatuta, eta beraiekin garatzen ari diren programaren nondik norakoak azaltzen dira.