ATENAS. Pavlos Fissas ezkerreko militante eta rap kantariaren hilketak Greziako politika are gehiago astindu du. Protestek eraginda, Egunsenti Urrekara alderdi neonazia debekatzeko talde kriminalaren definizioa alda litekeela iradoki du Nikos Dendias Ordena Publikoko ministroak. Gobernuak, ordea, ezkerreko alderdien mezuak kritikatu ditu, eta «biktimak eta kriminalak» parekatzea egotzi dio Alexis Tsipras-ek, Siriza koalizioko buruak.