Mohamed Merah iragan martxoan Okzitaniako Tolosan ustez zazpi lagun hil zituen gazteak Frantziako zerbitzu sekretuen negoziatzailearekin izandako elkarrizketa osoa argitaratu du Liberation-ek. Horren arabera, Merahek aitortu zuen «Al-Qaedak aginduta» egin zituela erasoak, eta azaldu zuen militarrak eta juduak jarri zituela jomugan, argitu nahian ez zela «zibilak hiltzen zituen terrorista ero bat».