Arrazakeriaren eta Xenofobiaren Kontrako Nazioarteko Egunean, atzerritarren aurkako politika autoritarioak, sexistak eta murriztaileak egitea leporatu die Anitzak elkarteak Frantziari eta Espainiari. Protestara deitu dute; datorren larunbatean elkartuko dira Espainiako Gobernuak Donostian duen delegazioaaren aurrean, 17:30ean.

Indarrean dituzten legeekin etorkinen eta errefuxiatuen eskubideak urratzea egotzi die Anitzak-ek bi estatuei. Elkartearen iritziz, Espainiako Kongresuak onartutako lan erreformak bereziki kalte egingo die etorkinei; langabezian egotera kondenatuko dituela erantsi du. Bestalde, Hendaiako (Lapurdi) atxikitze zentroa ixteko eskatu dio elkarteak Frantziari, etorkinen aurkako errepresio tresna dela uste baitu.