Hego Euskal Herrian gaur sartuko da indarrean Espainiako Kongresuak onartutako Atzerritarren Legea garatzen duen araudia. Harresiak Apurtuz elkarteak deituta, Hego Euskal Herrian Espainiako Gobernuak dituen erregulazio bulegoen aurrean elkarretaratzeak egin zituzten atzo. Araudia ikuspuntu ekonomikotik egindakoa dela salatu dute. Immigrazio politikek etorkinen beharrizanei erantzun eta giza eskubideak errespetatu behar dituztela aldarrikatu dute.