ELA, LAB, EHNE, EILAS eta Hiru sindikatuek hilaren 27rako deitutako greba orokorrarekin bat egin zuten atzo Azraf, Pangea, Jatorkin eta Euskal Herriko beste hainbat etorkinen elkartek, hamaseik guztira, Bilbon eginiko agerraldi batean. Krisialdiaren aitzakiarekin administrazioek eginiko murrizketek langile guztiei kalte egiten dietela salatu dute, baina bereziki baldintza okerrenak dituztenei, tartean etorkinak. Horrez gain, bestelako eredu sozial bat eskatu dute.