HENDAIA. Cimadek elkarretaratze isilak antolatzeko usaia dauka hilabetean behin, etorkinen eskubideak aldarrikatzeko. Baionan egiten ditu gehienak, baina atzo, Migrazioaren Nazioarteko Eguna nolabait azpimarratuz, Hendaiako erretentzio zentroaren aitzinean bildu ziren. 70 bat pertsonak 300 baloi zuri hantu askatu zituzten zerura, aurten zentroan atxiki 300 pertsonak sinbolizatuz.