Erredakzioa.

Errumania ijitoen irteera kontrolatzera behartzeko eskatu dio Frantziako Gobernuak Europako Batzordeari. Hori egin ezean Errumaniaren Schengenerako sarrera blokeatu dezakeela jakinarazi du Frantziak. Schengen eremuan baimen beharrik gabe mugi daitezke Europako Batasuneko herritarrak.

Horrez gain, Frantziako Gobernuak adierazi du nazioarteko immigrazio ministroekin bilera bat antolatu duela irailaren 6rako. Alemania, Espainia, Frantzia, Grezia, Italia, Erresuma Batua, Belgika, AEBak eta Kanada joango dira bilerara.