Zaharraz Harro festaren barnean, Gasteizko alde zaharrak antolatutako ekimenaren barruan, Munduko Arrozak ekitaldia izan zen atzo. Buruileria plazan, arrozarekin prestatutako hamaika otordu eskaini zituzten. Arroza ia mundu osoan dagoen oinarrizko jangaia da, eta kutsu errebindikatiboarekin antolatzen dute azken urteetan Munduko Arrozak eguna. Biodibertsitatea oso kontuan hartzen duen ekimena da. Arroza era askotara presta daitekeela argi ikusi zen atzo.