Arantza Quiroga Eusko Legebiltzarreko presidentearen esku utzi zuen atzo Iñigo Lamarca EAEko arartekoak berak zuzentzen duen erakundeak 2009an egindako lanaren memoria. Iaz 4.221 kontsulta egin zizkioten, 2008an baino %4 gehiago, eta 1.917 kexu aurkeztu zituzten, aurreko urtean baino %11 gehiago. Arartekoak instituzioei eskatu die etorkin adingabeentzako zerbitzuak hobeto koordinatzeko eta gai horren inguruan alarmarik ez sortzeko.