MADRIL. MSF Mugarik Gabeko Medikuak gobernuz kanpoko erakundeak salatu du Europara paperik gabe heltzen saiatzen diren Saharaz hegoaldeko emakumeak eta adingabeak sexu erasoen biktima izaten direla maiz. MSFren arabera, Marokora iristen diren hiru emakumetatik batek eraso bat edo gehiago jasan ditu jatorrizko herrialdean, bidean edo Marokon bertan. Horiek hala, beren erantzukizunak onartzeko eskatu die Europako Batasunari eta Marokori.