BASAURI. Otsailaren 24an Basauriko udaltzainek 11 etorkin atxilotu zituzten, egoitza baimena ez izatea egotzita, SOS Arrazakeriak jakinarazi duenez. Udaltzainek Espainiako Poliziaren esku utzi zituzten atxilotutakoak, eta SOS Arrazakeriak «arrazakeria instituzionala» egotzi die atxiloketa horietan parte hartu zutenei. Etorkinen «kriminalizazio prozesuan» aurrerapauso «arriskutsua» egin dutela salatu du.