Budapesteko Ehun Buruko Ijito Orkestra (Sazaztagu Cinanyzenekar, hungarieraz) entzuteko aukera egongo da gaur, 20:30ean, Miarritzeko Midiko geltokian (Lapurdi). Ez da ohiko orkestra sinfonikoa. Handiagoa izateaz gain, musikariek jantzi koloretsuak daramatzate, eta partiturarik gabe jotzen dituzte Brahms, Bizet, Katxaturian, Sarasate eta Txaikovski. Taldearen helburua da Vienako kontzertuen pareko zorroztasuna lortzea, musika aldetik, baina ijitoen jaiaren pozarekin.